کینیا کے ہسپتال سے 100 پاگل بھاگ گئے

مہر خبررساں ایجنسی نے انڈین ایکسپریس کے حوالے سے نقل کیا ہے کہ کینیا میں ڈاکٹروں کی ہڑتال کے دوران ہسپتال سے 100 پاگل بھاگ گئے ہیں جبکہ کینیائی پولیس نے پکڑنے کیلئے سرچ آپریشن شروع کردیا ہے۔ اطلاعات کے مطابق کینیائی دارالحکومت میں ڈاکٹروں نے اپنی تنخواہوں میں اضافے کیلئے ہڑتال جاری رکھے ہوئے تھے کہ اسی دوران ہسپتال میں داخل پاگلوں نے اس موقعے کا فائدہ اٹھایا اور ہسپتال سے بھاگ کھڑے ہوئے،یہ پاگل ڈاکٹروں کے گاﺅن پہن کر ہسپتال سے نکلے ہیں جس سے کسی کو شک بھی نہیں ہوا ہے۔
پولیس نے پاگلوں کے فرار ہونے کی اطلاع ملتے ہی سرچ آپریشن شروع کردیا ہے لیکن یہ فراری ابھی تک نہیں ملے ہیں، دوسری جانب پولیس چیف نے دعویٰ کیا ہے کہ ہم متعدد فراریوں کو پکڑ چکے ہیں جو رہ گئے ہیں ان کو بھی پکڑ لیا جائے گا۔